Madi 11 Avril 2017*
-Gwo bonjou / bonswa pou tout zanmi nou ki twouve yo nan kat kwen mond lan. Se toujou avek menm respè a nou antre lakay ou maten, pou enfòmew sou sa kap pase nan peyi dayiti tankou lòtbò dlo. .```
Men enfòmasyon kap fè aktyalite pou jodi a:```
*I- POLITIK*
*1-Antonio Cheramy felisite Prezidan Jovenel Moïse pou arete ki vize amelyore depans yo nan leta.*
```Senatè depatman lwès la Antonio Cheramy tout moun konnen sou non<<Don Kato>> felisite Prezidan peyi a Jovenel Moïse pou arete ki soti pou amelyore depans yo nan leta a. Senatè a fè konnen menm Jan lè sa pa bon li pran radyo pou denonsel se menm Jan tou lè sa bon fòk li di li bon.
Yon lòt kote palmantè a swete gen mezi ki pran pou fè respekte arete a, epi ekonomi kap fèt la se zafè leta ki pou regle avèl nan bay plis sèvis.
Yon rapèl: arete sila te soti 3 avril 2017 ladanl , gen entèdiksyon ki fèt pou ministè yo pa achte machin san otorizasyon fòmèl premye minis la, pou anplwaye leta sispann itilize machin yo tankou byen prive ki donk lè yo fin travay ap gen yon kote pou al depoze yo, moun ki pa nan leta ankò pou pote materyèl ki nan men yo retounen ak divès lòt atik nou pa site. Fòk nou siyale Don Kato se youn pami kat senatè ki nan opozisyon
*2- 12 depite ekri prezidan chanm depite Cholzer Chancy*
```Nan yon nòt ki pibliye vadredi 7 avril Ki sot pase a, chanm depite a te ekri Cholzer Chancy pou mandel fòme yon komisyon espesyal pou mennen ankèt sou dosye UCCREF la ki ta fè kwè prezidan Jovenel Moïse ta enplike nan lajan sal.
Se sèlman 12 depite ki siyen nòt sa. Pami yo gen:
Sinal Bertrand
Jean Robert Bossé
Printemps Bélizaire
Roger Millien
Benoît Jean Guerrier
Abel Descollines
Pierre Bel-Ange
Manès Louis
Mathurin Smith
Garnier Vikenson
Jean Marcel.
Konsa yo mande pou yo jwenn yon repons positif a demand yo a```.
*PUB*
La prise de conscience est obligatoire pour le processus de développement d'Haïti.
Février 2017
*Antonelly Tony Claude François*
*II- EDIKASYON*
*Enstalasyon nouvo direktè jeneral ministè edikasyon nasyonal (M.Meniol JEUNE)*
```Vandredi 7 avril 2017 la, minis edikasyon nasyonal la Josué Agénor Cadet enstale nan pòs li nouvo direktè Jeneral enstitisyon an. Se yon seremoni ki te dewoule nan Delma 83 an prezans Direktè jeneral k'ap sòti a , Louis Mary Cador, plizyè direktè teknik e kad nan ministè a, palmantè , fanmi ak zanmi nouvo direktè a.
Ansyen nimewo 2 bwat la Louis Mary Cador salye tout pèsonèl ministè a pou kolaborasyon yo pandan pasaj li kòm direktè jeneral MENFP e li swete nouvo direktè a siksè nan misyon li.
Minis Agénor bò kote pal souliye defi k'ap tann M.Meniol JEUNE pandan li lanse yon apèl ak tout moun pou ede l reyisi misyon li genyen ansanm ak nouvo direktè jeneral la.
M.Meniol JEUNE genyen yon doktora nan syans edikasyon, li te konn travay nan: CFEF , direksyon résous imèn ak nan direksyon jeneral ministè a kòm asistan direktè avan li vin okipe pòs sa.
N'ap raple ranplasman direktè jeneral sa pwodwi swit ak yon eskandal ,sou rezo sosyal yo kote foto ansyen direktè jeneral ministè edikasyon nasyonal la Louis Mary Cador t'ap sikile. Yon foto toutouni pou m pa di Jan manmanl te fèl la se paske li te gen yon linèt nan zye li.
*III- ENTÈNASYONAL*
*Kat elev blese nan yon Fiziyad nan yon lekol elemantè ozetazini*
```Kat moun sòti blese ayè lendi a suit ak yon fiziyad ki te fet nan klas yon lekol primè nan kalifoni.
Daprè bilan yo gen de elèv kap pran swen sou kabann lopital, alòske lòt de yo pa telman grav, yo blije alabri pou dè mwayen de prevansyon.
Nap raple debi desanm nan 2015 lan 14 moun te pèdi la vi yo epi 21 moun te soti gravman blese anba yon fiziyad```
Sous : RFI
*IV- ESPÒ*
*Eliphène Cadet rejwenn Fc Pò de Pè*
*Rekonèt pou bèl karyè li avèk trofe, ansyen atakan entènasyonal ayisyen 36 lane a, Eliphène Cadet angaje li avèk Fc Pò de Pè, yon klèb kap evolye nan dezyèm divizyon chanpyona nasyonal la.*
Kèk jou aprè demisyon antrenè Yope nan tèt Fc Pò de Pè, dezi responsab yo pou monte nan elit foutbòl ayisyen an fè siyen Eliphène Cadet pou yon montan ki pa devwale.
Aprè kèk bon moman nan ekip nasyonal la, pasaj li nan ASC, Aigle noir, Tempèt, Eliphène Cadet te prezante sadmi devan sipòtè yo nan pak jelen.
*Se premye fwa mwen vini Pò de Pè, mwen fatige paske wout la te anpil. Prezans mwen vle di anpil bagay paske Peguero zanmim te rive mete yon klèb (Real du cap) nan premye divizyon, yon bagay mwen poko fè. Mwen vini isit la pou ede klèb la monte nan D1, e mwen ap rete pou plizyè sezon* se deklarasyon Eliphène Cadet fè nan mikro la pwès.
Nap souliye pou abòne Trisse-Iwondèl yo, dèbi Nòdwès la te jwe ayè nan Pak Gelin ki fini konsa Fc Pò de Pè 1-0 ASSL. Grenn gòl sa te make pa Eliphène Cadet pou premye match li ap klèb la.
*Sipriz aprè maryaj*
Lè yon moun konn ki sa k ap tann li pa gen sipriz posib, men lè moun sa jwenn kontrè sa l te swete a, move sipriz!
Yon dàm 29 lane ki te marye ak yon mesye li t ap travay menm kote ak li. Yo te fè yon maryaj senp, p at gen anpil envite sa te fèt nan entimite ant fanmi. Men touswit aprè seremoni an lemarye te vle fè lamarye konn yon sekrè l, li fè l konnen avan sa li te yon fi, se transfòmasyon li fè nan kò l ki fè l vin gason. Madanm nan ki twouve se kontrè ak pwennvi l te deside divòse. Demanm divòs la te fèt inèdtan aprè seremoni maryaj la.
```Se tout pwen sa yo ki te domine aktyalite a pou jodia. Nou swetew pase yon bon jounen pandan nap kase randevou avew pou demen si granmet la kontan pou yon lòt edisyon jounal pa w la.
Aucun commentaire:
Enregistrer un commentaire